பணத்துக்காக நடிகைகளை டார்ச்சர் செய்யும் அம்மாக்கள்

பணத்துக்காக நடிகைகளை டார்ச்சர் செய்யும் அம்மாக்கள் பற்றிய கதையை சினிமாவாக எடுத்து வருகிறார்கள். இந்த படத்தில் நடிகை பூர்ணாதான் கதாநாயகியாக நடிக்கிறார்.

டைரக்டர் போஸ் இயக்கத்தில் உருவாகி வரும் படம் கொடைக்கானல். இந்த படத்தில் நாயகியாக நடிப்பவர் நடிகை பூர்ணா. மலையாள படங்களில் ஷாம்னா என்ற பெயரில் நடித்து வந்த இவர் தமிழுக்காக பூர்ணா என்று தனது பெயரை மாற்றிக் கொண்டார். இவர் முதன் முதலில் ஒப்பந்தமான படம் கொடைக்கானல் என்கிறபோதிலும், அதற்கு அடுத்தபடியாக ஒப்பந்தமான முனியாண்டி விலங்கியல் மூன்றாமாண்டு படம் ரீலிஸ் ஆகி விட்டது. முனியாண்டி படத்தில் தாமரை என்ற பெயரில் நடித்திருந்த பூர்ணா, பாவாடை தாவணியில் வந்து தமிழக இளம் ரசிகர்களை கவர்ந்திழுத்தார்.

நடிகர் விஜய் வேறு, கொடைக்கானல் படத்தின் ஆடியோ வெளியீட்டு விழாவில் பேசும்போது, பூர்ணாவை சின்ன அசின் என்று வர்ணித்து விட்டார். இந்நிலையில் தற்போது கொடைக்கானல் படத்தில் கதை கசியத்தொடங்கியிருக்கிறது. கொடைக்கானல் படத்தின் கதைக்கரு என்ன தெரியுமா? பணத்துக்கு ஆசைப்படம் ஒரு பெண் தனது மகளை சினிமா நடிக்க வைத்து பணம் சம்பாதிக்க நினைக்கிறார். சினிமாவுக்கு வந்த பின்னர் வேறு பல குறுக்கு வழிகளில் பணம் சம்பாதிப்பதற்காக பெற்ற மகளுக்கே எல்லா விதமான டார்ச்சர்களையும் கொடுக்கிறாராம். கடைசியில் கொடுமைக்கார தாயாரிடம் இருந்து அந்த நடிகை எப்படி தப்பிக்கிறார் என்பதுதான் படத்தின் கதையாம். (அட... இது நம்ம விந்தியமான நடிகையின் சொந்தக்கதை போல இருக்கே...!)