குத்தாட்டம் என்றால் குதிகால் தெறிக்க ஓடும் நடிகை

ஒரு காலத்தில் தமிழ் சினிமா ரசிகர்களின் கனவுக்கன்னியாக இருந்த நடிகையை இப்போது குத்தாட்டத்துக்கு மட்டுமே அழைக்கிறார்கள். ஆனால் குத்தாட்டம் என்றால் அம்மணி குதிகால் தெரிக்க ஓட்டம் பிடிக்கிறார்.

உள்ளத்தை அள்ளித்தா படத்தின் ஹிட் மூலம் தமிழ் ரசிகர்களின் மனதில் குடியேறியவர் நடிகை ரம்பா. அடுத்தடுத்து படங்களில் நடித்து வந்த ரம்பாவுக்கு, வயதாகி விட்டால் வாய்ப்புகள் குறைந்தன. இதனால் தமிழ் சினிமாவை விட்டு விலகியிருந்த ரம்பா, மீண்டும் தமிழ்சினிமாவில் நடிக்க தயார் என்று கவர்ச்சியான ஆல்பம் தயாரித்து கோலிவுட்டில் உலாவ விட்டார். அதற்கு கைமேல் பலன் கிடைத்தும், அதனை பயன்படுத்திக் கொள்ள மறுத்து வருகிறார் ரம்பா. காரணம் ரம்பாவைத் தேடி வருவதெல்லாம் குத்தாட்ட பாட்டுக்கு ஆட்டம் போடுவதற்குத்தானாம். ஆனால் ரம்பாவோ, நடித்தால் கதாநாயகியாகத்தான் நடிப்பேன் என்று ஒற்றைக் காலில் நிற்கிறாராம்.