நடிகர் எஸ்.ஜே.சூர்யா மருத்துவமனையில் அனுமதி

இரட்டை அர்த்த வசனங்களால் தனக்‌கென தனி ரசிகர் பட்டாளத்தை உருவாக்கி வைத்திருப்பவர் நடி‌கர் எஸ்.ஜே.சூர்யா. இவர் தற்போது நியூட்டனின் மூன்றாம் விதி என்ற படத்தில் நடித்து வருகிறார். இந்த படத்தின் சூட்டிங் சென்னையில் நடந்து வருகிறது. படத்தில் இடம்பெறும் சண்டை காட்சியில் எஸ்.ஜே.சூர்யா நடித்துக் கொண்டிருந்தார். அப்போது எதிர்பாரா‌த விதமாக எஸ்.ஜே.யின் முகத்தில் காயம் ஏற்பட்டது. இதையடுத்து சூர்யாவை பழைய மகாபலிபுரம் சாலையில் உள்ள லைப் லைன் மருத்துவமனைக்கு அழைத்து சென்றனர். அங்கு எஸ்.ஜே.சூர்யாவுக்கு சிகிச்சை அளித்த டாக்டர்கள் 15 நாட்கள் ஓய்வு எடுக்கும்படி தெரிவித்து விட்டனர். இதையடுத்து சூட்டிங் நிறுத்தப்பட்டுள்ளது.