குசேலன் ரீலிசும் தள்ளிப்போகிறது

குசேலன் படத்தின் இறுதிகட்ட சூட்டிங் நடந்து வருகிறது. பாடல்கள் அனைத்தும் ரெக்கார்டிங் செய்து முடிக்கப்பட்டு விட்டன. ஜுலை மாதத்தில் படம் ரீலிஸ் ஆகும் என்பன போன்ற செய்திகள் கடந்த இரண்டு வாரங்களாகவே கோலிவுட்டில் உலாவி வந்தது. இந்த நிலையில் குசேலன் ரீலிஸ் தள்ளிப்போகும் என்கிற செய்தி வெளியாகியிருக்கிறது.

மலையாளத்தில் சூப்பர் ஹிட் படமான கதபறயும் போள் படத்தின் தமிழ் ரீமேக்தான் குசேலன். இந்த படத்தில் ரஜினிகாந்த், நயன்தாரா, மம்தா மோகன்தாஸ், பசுபதி, மீனா, த்ரிஷா என்று நட்சத்திர பட்டாளமே நடித்து வருகிறது. இதே படம் தெலுங்கிலும் குசேலடு என்ற பெயரில் தயாராகி வருகிறது.

தமிழ் மற்றும் தெலுங்கு படங்களின் பாடல்களை ஜுன் மாதத்தில் ஒரே நாளில் வெளியிட ஏற்கனவே திட்டமிடப்பட்டிருந்தது. ஜூலை மாதத்தில் குசேலனை திரையிடவிருப்பதாகவும் கூறப்பட்டு வந்தது. ஆனால் அதனை குசேலன் டீமில் உள்ள யாருமே உறுதி செய்யாமல் இருந்து வந்தனர். இந்நிலையில் குசேலன் ரீலிஸ் செப்டம்பர் மாதத்தில்தான் நடைபெறும் என்ற செய்தி கோலிவுட்டில் காட்டுத்தீ போல பரவி வருகிறது. ஒரே நாளில் தமிழ் மற்றும் தெலுங்கு படங்களை திரையிட திட்டமிட்டிருப்பதாக செய்திகள் தெரிவிக்கின்றன. (தசாவதாரம் போல தள்ளித் தள்ளி போகாமல் இருந்தால் சரிதான்.!)


(குறிப்பு : சினிமா நிருபர் வலைப்பூ குறித்த உங்களது மேலான கருத்துக்களையும், ஆலோசனைகளையும் பதிவிடுங்கள் வாசகர்களே...!)