விஜய்க்கு வாழ்த்து சொல்லலாம் வாங்க..!

இளைய தளபதி விஜய் இன்று தனது 35வது பிறந்த நாளை கோலாகலமாக கொண்டாடுகிறார்.

தமிழ் திரைப்படங்களில் கடந்த 16 ஆண்டுகளாக நடித்து வரும் விஜய், இதுவரை 45 படங்களில் நடித்துள்ளார். கடந்த 2003ம் ஆண்டுக்கு பிறகு விஜய்க்கு என்று அதிக அளவிலான ரசிகர் பட்டாளம் உருவாகியது. திருப்பாச்சி, சிவகாசி, போக்கிரி, கில்லி என்று அடுத்தடுத்து வெற்றிப்படங்கள் அணிவகுத்து வந்தன. சமீபத்தில் வெளியான குருவியும் வசூலில் சாதனை படைத்து வருகிறது. தற்போது பிரபுதேவா இயக்கத்தில் வில்லு படத்தில் நடித்து வரும் இளைய தளபதி இன்று தனது 35வது பிறந்த நாளை கொண்டாடவுள்ளார்.

வழக்கத்தை விட இந்த ஆண்டு பிறந்த நாள் விழா மிகவும் கோலாகலமாக கொண்டாடப்படவுள்ளது. இதற்கு காரணம் விஜய் ரசிகர் மன்ற கொடி அறிமுகப்படுத்துவதுதான். சென்னை பல்கலைக்கழக நூற்றாண்டு மண்டபத்தில் இன்று மாலை 4.30 மணிக்கு நடைபெறும் விழாவில் அகில இந்திய விஜய் ரசிகர் நற்பணி மன்றத்தின் கொடி அறிமுகப்படுத்தப்படுகிறது.

இன்று பிறந்த நாள் கொண்டாடும் நடிகர் விஜய்க்கு வாழ்த்து சொல்ல விரும்பும் ரசிகர்கள், அவருக்கு பிறந்த நாள் வாழ்த்துக்களை பின்னூட்டத்தின் மூலம் தெரிவிக்குமாறு கேட்டுக் கொள்கிறோம்.