குசேலன் சூட்டிங் முடிந்து சென்னை திரும்பினார் ரஜினி

சூப்பர் ஸ்டார் ரஜினிகாந்த் குசேலன் படத்தில் சூட்டிங்கை முடித்துக் கொண்டு சென்னை திரும்பியுள்ளார்.

சிவாஜி படத்தின் பிரமாண்ட வெற்றிக்கு பிறகு சூப்பர் ஸ்டார் ரஜினிகாந்த் நடித்து வரும் படம் குசேலன. இந்த படத்தில் ரஜினிகாந்த், நயன்தாரா சம்பந்தப்பட்ட பாடல் காட்சிகளுக்காக சூட்டிங் கடந்த ஒரு வாரமாக கேரள மாநிலம் ஆலப்புழாவில் நடந்து வந்தது. நேற்றுடன் ரஜினி சம்பந்தப்பட்ட காட்சிகள் படமாக்கப்பட்டு விட்டன. இதையடுத்து நேற்று மாலை ரஜினிகாந்த் விமானம் மூலம் சென்னை திரும்பினார்.

முன்னதாக நேற்று காலை தமிழக முதல்வர் கருணாநிதிக்கு ரஜினிகாந்த் சார்பில் சத்தியநாராயணா நேரில் சென்று சால்லை அணிவித்து வாழ்த்து தெரிவித்தார்.

கொசுறு தகவல் : ஆலப்புழாவில் ரஜினி தங்கியிருந்தபோது ஒரிஜினல் குசேலன் படமான கதபறயும் போள் குழுவினரை ஓட்டலுக்கு வரவழைத்து பேசிய ரஜினிகாந்த், அவர்களை பாராட்டவும் செய்தாராம். சூப்பர் ஸ்டார் வாயால் வாழ்த்து பெற்ற மகிழ்ச்சியில் இருக்கிறார்கள் திலீப், போபன், ஸ்ரீனிவாசன் உள்ளிட்ட மலையாள குசேலன் குழுவினர்.

(இந்த செய்தி குறித்த உங்களது கருத்துக்களை பின்னூட்டமிடுங்கள் வாசகர்களே...!)