தசாவதாரம் ரீலிஸில் மீண்டும் சிக்கல்

உலக நாயகன் கமல்ஹாசன் வித்தியாசமான 10 கேரக்டர்களில் நடித்துள்ள படம் தசாவதாரம். தமிழ், தெலுங்கு மற்றும் இந்தியில் தயாராகியுள்ள இந்த படம் வருகிற 13ம் தேதி (வெள்ளிக்கிழமை) உலகம் முழுவதும் ரீலிஸ் ஆகும் என்று படத்தின் தயாரிப்பாளர் ஆஸ்கார் ரவிச்சந்திரன் அறிவித்திருந்தார். இதற்கான டிக்கெட் புக்கில் கடந்த 8ம் தேதி தொடங்கியது.

இந்நிலையில் தசாவதாரம் ரீலிஸில் மீண்டும் சிக்கல் ஏற்பட்டுள்ளது. பயந்து விடாதீர்கள் ரசிகர்களே...! இந்த சிக்கல் தமிழ் தசாவதாரத்துக்கு அல்ல...! இந்தி தசாவதாரத்துக்குத்தான். இந்தி தசாவதாரம் வெளியீட்டில் சோனி நிறுவனத்துக்கும், ஆஸ்கார் நிறுவனத்துக்கும் இடையே ஒப்பந்தத்தில் ஏற்பட்டுள்ள சிக்கல் காரணமாக ரீலிஸ் தள்ளிவைக்கப்பட்டுள்ளது. இதனால் வருகிற 13ம்தேதிக்கு பதில் 2 வாரங்கள் கழித்து 27ம் தேதிதான் இந்தி தசாவதாரம் ரீலிஸ் ஆகும் என்று அறிவிக்கப்பட்டுள்ளது. இதனை ஆஸ்கார் நிறுவனத்திரே உறுதிபடுத்தியுள்ளனர். (எப்படியோ... படம் வெளிவந்தால் சரிதான்...!)