செக்ஸ் புகார் : மிருகம் சாமிக்கு அடுத்த சிக்கல்

நடிகை பத்மப்ரியாவை கன்னத்தில் அறைந்தது, செக்ஸ் டார்ச்சர் புகாரில் சிக்கியது, படம் எடுக்க ஓராண்டு தடை என்று அடுத்தடுத்து சிக்கல்களை சந்தித்த மிருகம் பட இயக்குனர் சாமிக்கு மீண்டும் ஒரு சிக்கல் வந்து விட்டது.

டைரக்டர் சாமிக்கு விதிக்கப்பட்டிருந்த தடை ஜூன் மாதத்துடன் முடிவடைகிறது என கருதி, சரித்திரம் என்ற படத்தை இயக்க முனைப்புடன் பணியாற்றி வந்தார். இந்நிலையில் நடிகர் சங்கம் விதித்த தடை அடுத்த மாதம் வரை நீடிக்கிறது என்பதால் தற்போது படத்தை துவங்க முடியாத சிக்கலில் சிக்கியிருக்கிறார் சாமி. சரித்திரம் படத்தில் மிருகம் நாயகன் ஆதி, நடிகர் ராஜ்கிரன் ஆகியோர் நடிக்கவுள்ளனர். ஆதிக்கு ஜோடியாக கருப்பசாமி குத்தகைதாரர் நாயகி மீனாட்சியை ஒப்பந்தம் செய்திருந்தனர்.

இதற்கிடையில் சரித்திரம் படப்பிடிப்பு தொடங்க மேலும் ஒரு மாதத்துக்கு மேல் ஆகும் என்பதால் மீனாட்சி நைசாக நழுவி விட்டாராம். தற்போது அவர் சுந்தர்சியுடன் பெருமாள், பசுபதியுடன் த.நா.07 அல 4777 ஆகிய படங்களில் ஒப்பந்தமாகியிருக்கிறார் என்பது குறிப்பிடத்தக்கது. மேலும் சில படங்கள் மீனாட்சியை தேடி வந்ததுதான் இந்தி முடிவுக்கு காரணம் என்கிறார்கள். அடுத்தடுத்து வரும் சிக்கல்களால் குழப்பத்தில் இருக்கிறார் சாமி.