ஐஸ்வர்யாராயுடன் நடிக்கப் போகிறார் விக்ரம்

முன்னாள் உலக அழகியும், பாலிவுட் நடிகையுமான ஐஸ்வர்யா ராயுடன் ஜோடி சேர எத்தனையோ நடிகர்கள் துடித்து வரும் நிலையில் சீயான் விக்ரமுக்கு அதிர்ஷ்டம் கிடைக்கப் போகிறது. தற்போது கந்தசாமி படத்தில் நடித்து வரும் விக்ரம் அடுத்து கே.எஸ்.ரவிக்குமார் இயக்கத்தில் ஒர படத்தில் நடிக்கிறார். அந்த படத்துக்கு பிறகு மணிரத்னம் இயக்கும் ஒரு படத்தில் நடிக்க விக்ரம் சம்மதித்திருக்கிறார்.

இந்த படத்தில் விக்ரமுக்கு ஜோடியாக நடிப்பவர் ஐஸ்வர்யா ராய். நடிகை ஐஸ்வர்யா ராய் தற்போது பாலிவுட், ஹாலிவுட் என்று பிஸியாக இருக்கிறார். விரைவில் தொடங்கவிருக்கும் ரோ‌போ படத்திலும் ஐஸ்வர்யா ராய்தான் சூப்பர் ஸ்டார் ரஜினிகாந்துக்கு நாயகி. இதனையடுத்த டைரக்டர் மணிரத்னம் இயக்கும் படத்தில் விக்ரமுக்கு ஜோடியாக நடிக்கவுள்ளார்.