இத படிங்க மொதல்ல... (கதையல்ல நிஜம்)

அனுப்புனர் : சினிமா நிருபர்,


பெறுனர் : வாசக நண்பர்கள்,
நிருபர் வலைப்பூ.

(பொருள் : சினிமா நிருபர் வலைப்பூவின் மகிழ்ச்சியில் பங்கெடுத்துக் கொள்ள அழைப்பு)

அன்பு வாசக நண்பர்களே...!

வணக்கம்.

நிருபர் வலைப்பூ உருவான விதம் பற்றி ஏற்கனவே இரண்டு பதிவுகளில் சொல்லி விட்டேன். வலைப்பூ ஆரம்பித்த புதிதில் 10 ஆயிரம் வாசகர்கள் பார்த்ததை ஒரு பதிவாக போட்டிருந்தேன். அதன் பின்னர் 20 ஆயிரம் வாசக நண்பர்கள் பார்த்ததை பதிவாக போட்டிருந்தேன். இப்போதும் எனக்கு தொடர்ந்து ஊக்கமளித்து வரும் வாசக அன்பர்களுக்கும், நான் வலைப்பூ தொடங்க காரணமாக இருந்த அன்பர்களுக்கும், தற்போது வலைப்பூவுக்கு செய்தி மற்றும் புகைப்படம் கொடுத்து வரும் அன்பர்களுக்கும், தொழில்நுட்ப ஆலோசனை கூறும் நண்பர்களுக்கும் நன்றி கூறும் விதமாகத்தான் இந்த பதிவை போடுகிறேன்.

ஆம். வாசக நண்பர்களே...! நிருபர் வலைப்பூவை நேற்று (26/07/08) மட்டும் 982 பேர் பார்த்து சென்றுள்ளனர். இந்த வாசகர்கள் நேற்று படித்த பக்கங்களின் எண்ணிக்கை 4617. (ஆதாரம் ஹிஸ்டாட்ஸ் டாட் காம்) ஒரே நாளில் குறைந்தது ஆயிரம் பேரையாவது எனது பதிவுகள் சென்றடைய வேண்டும் என்பதுதான் எனது தற்போதைய லட்சியமாக இருந்து வருகிறது. அதற்கு பறைசாற்றும் வகையில் நேற்றைய தினம் ஏராளமான வாசக நண்பர்கள் வந்து சென்றிருக்கிறார்கள். அவர்களுக்கு நன்றி கூறிக் கொள்வதில் பெருமிதம் கொள்கிறேன்.

எத்தனையே அனானி கமெண்ட்கள் அசிங்கமாகவும், ஆபாசமாகவும், சினிமா நிருபரையும், சினிமாநிருபர் வலைப்பூவையும் தவறாக சித்தரித்தும் வந்தன. அவற்றையெல்லாம் நான் என்றுமே பொருட்படுத்தாததும் எனது இந்த வெற்றிக்கு காரணம் என்றே நான் கருதுகிறேன். (982 பேர் பார்த்ததெல்லாம் சாதனையா என்று யாராவது கேட்டால்... அவர்களுக்கெல்லாம் நான் சொல்லிக் கொள்ள விரும்புவது... என்னைப் பொறுத்தவரை இதனை வெற்றியாகவே கருதுகிறேன்.)

வலைப்பூ ஆரம்பித்த காலகட்டத்தில் ஒரு நாளைக்கு 100 பேர் பார்ப்பதையே வெற்றியாக நினைதேன். அதன் பின்னர் 300 பேர் இப்போது ஆயிரத்தை நெருங்குகிறது. இது இப்படியே நிலைத்திருக்கும் என்றும் நான் எதிர்பார்க்கவில்லை. போற்றுவார் போற்றட்டும் தூற்றுவார் தூற்றட்டும் என்கிற ரீதியில் தொடர்ந்து செய்திகளை நல்ல முறையில் ஆபாச கலப்பின்றி வெளியிடுவேன், வாசக நண்பர்களின் ஒத்துழைப்பு கண்டிப்பாக கிடைக்கும் என்ற நம்பிக்கையில்...!

புதிதாக உதயமாகவுள்ள சினிமா நிருபர் டாட் காம் தளத்தில் அதிக அளவிலான செய்திகள், ஸ்டில்களை கொடுக்க ஏற்பாடுகள் நடந்து வருகின்றன என்பதையும் தெரிவித்துக் கொள்ள விரும்புகிறேன். வாசகர்கள் தொடர்ந்து ஆதரவு அளிக்குமாறு கேட்டுக் கொள்கிறேன்.

மிக்க நன்றி...!

இப்படிக்கு
என்றென்றும் அன்புடன்
சினிமா நிருபர்.