தமிழ்மணமே.. தமிழ்மணமே.. நீங்கள் என்னை...

தமிழர்களே.. தமிழர்களே... நீங்கள் என்னை கடலில் தூக்கிப்போட்டாலும் கட்டுமரமாகத்தான் மிதப்பேன். அதில் ஏறி நீங்கள் பயணம் செய்யலாம். கவிழ்ந்து விடமாட்டேன்.
- கலைஞர் டி.வி.,யில் அடிக்கி நாம் கேட்கும் வாசகங்கள்தான் இவை.

இந்த வாசகங்களுக்கும், இந்த பதிவுக்கும் என்ன சம்பந்தம் என்று குழம்பி விடாதீர்கள் நண்பர்களே..!

வலைப்பதிவுலகில் நான் கால் பதித்து இரண்டு மாதங்களுக்கும் மேலாகி விட்டது. கடந்த ஆண்டு இறுதியிலேயே வலைப்பூவை தொடங்கியிருந்தாலும், கொஞ்சம் தாமதமாகத்தான் பதிவிடத் தொடங்கினேன். நான் எழுதும் சினிமா செய்திகளை ஏராளமான வாசகர்கள் வந்து பார்த்து, ரசித்து படிக்கிறார்கள். சிலர் பின்னூட்டமிட்டுச் செல்கிறார்கள். இவற்றை பார்க்கும்போது மேலும் அதிக அளவில் செய்திகளை எழுத வேண்டும் என்ற எண்ணம் மேலோங்கியதன் விளைவால்தான் தொடர்ந்து பதிவுகளை பதித்து வருகிறேன்.

சரி.. விஷயத்து வருகிறேன். நிருபர் வலைப்பூவை இதுவரை 23,075 பேர் பார்த்து ரசித்திருக்கிறார்கள். இன்று மட்டும் 560க்கும் மேற்பட்ட வாசகர்கள் எமது வலைப்பூவை பார்த்து சென்றிருக்கிறார்கள். இதுவரை வாசகர்களால் திறக்கப்பட்ட பக்கங்களின் எண்ணிக்கை 82 ஆயிரத்தை தாண்டி விட்டது. இன்று மட்டும் 2 ஆயிரத்துக்கும் அதிகமான பக்கங்கள் திறக்கப்பட்டுள்ளன. இவற்றில் பெரும்பாலான வாசக நண்பர்கள் தமிழ்மணத்தின் வாயிலாக வந்தவர்கள்தான் என்பதை மறுப்பதற்கில்லை. அதற்கு நன்றி சொல்லிக் கொள்ளும் அதே நேரத்தில் தமிழ்மண நிர்வாகத்திடம் கடந்த சில நாட்களாக நான் தொடர்ந்து கேட்டு வரும் சிறு கோரிக்கைக்காகத்தான் இந்த பதிவு.

நான் எழுதும் இடுகைகளை தமிழ்மணத்தில் புதுப்பித்தால் இடது ஓரத்தில் மறுமொழிக்கு கீழே இருக்கும் செய்திகள் பகுதியின் கீழே பதிவாகிறது. இதனை முகப்பு பக்கத்தில் தெரிய வைக்க ஆவண செய்ய வேண்டுமாய் ஏற்கனவே தமிழ்மணம் நிர்வாகத்துக்கு தனிமடல் அனுப்பியிருக்கிறேன். ஆனால் அதுபற்றி எந்த நடவடிக்கையும் எடுக்கவில்லை. தமிழ்மணம் பழைய வெர்சனில் நிருபர் வலைப்பூவின் இடுகைகள் பிரதான முகப்பு பக்கத்தில் தெரிந்தன என்பது குறிப்பிடத்தக்கது. இந்த பிரச்னைக்கு இனியாவது தீர்வு கிடைக்கும் என்று நம்புகிறேன்.


இதோ.. தமிழ்மணத்துக்கு எனது வித்தியாசமான கோரிக்கை வாசகம்.

தமிழ்மணமே... தமிழ்மணமே... நீங்கள் எம்மை முகப்பு பக்கத்தில் தெரியவைத்தால் இன்னும் அதிகமான செய்திகளை எழுதிக்கொண்டே இருப்பேன். எழுதுவதை நிறுத்தி விடமாட்டேன். எனது செய்திகளை அதிகமான தமிழ்மண வாசகர்கள் படிக்கலாம்...!