குசேலன் விழாவுக்கு வராததுக்கு காரணம் இருக்கு : பசுபதி

குசேலன் விழாவுக்கு வராதததுக்கு காரணம் இல்லாமல் இல்லை என்று நடிகர் பசுபதி கூறியுள்ளார்.

குசேலன் படத்தில் பசுபதி புறக்கணிக்கப்பட்டதுதான் அவர் விழாவில் பங்கேற்காததுக்கு காரணம் என்று தமிழ் சினிமா உலகில் கிசுகிசுக்கப்பட்டு வந்தது. இந்நிலையில் பசுபதியாகவே பத்திரிகையாளர்களை தொடர்புகொண்டு தன்னிலை விளக்கம் அளித்து வருகிறார். நம்மிடம் பசுபதி கூறியதாவது:-

குசேலன் ஆடியோ விழாவுக்கு பசுபதி வராததற்கு ஏதோ காரணம் உள்ளது என்று பத்திரிகைகளில் செய்தி எழுதுகிறார்கள். காரணம் இல்லாமல் இல்லை. குசேலன் ஆடியோ விழாவன்று நான் மூணாறில் இருந்தேன். எனக்கு அடுத்தடுத்து நிறைய படங்கள் வருகின்றன என்பதால் முதலில் தொடங்கிய வெடிகுண்டு முருகேசன் படத்தை சீக்கிரம் முடிக்க வேண்டிய கட்டாயம் இருந்தது. அதனால் வரமுடியவில்லை, என்றார்.

உங்கள் திரையுலக வரலாற்றில் ஒரு மைல் கல்லாக கருதப்படும் குசேலன் படத்தின் விழாவுக்கு வராமல் இருக்க எப்படி மனம் வந்தது? என்று ஒரு குறுக்கு கேள்வியை போட்டோம். அதற்கு பசுபதி, என்னுடைய சாதனை இதுமட்டுமல்ல. நான் இந்த திரையுலகில் இன்னும் நிறைய சாதிக்க வேண்டியிருக்கிறது, என்றார் ஒருவித காட்டத்துடன். (அவர் என்ன நினைத்து அப்படி சொன்னார் என்பது அவருக்கே வெளிச்சம்.)

இதே பசுபதிதான் குசேலனில் வாய்ப்பு கிடைத்தபோது, ரஜினியுடன் ரஜினியின் நண்பராக நடித்தது எனது சினிமா வரலாற்றில் ஒரு மைல் கல் என்று பெருமிதப்பட்டுக் கொண்டார் என்பது குறிப்பிடத்தக்கது.