மனைவியுடன் கருத்து வேறுபாடு : ரஜினி பரபரப்பு பேச்சு

தனது மனைவி லதாவுடன் அடிக்கடி கருத்து வேறுபாடு ஏற்பட்டதாக சூப்பர் ஸ்டார் ரஜினிகாந்த் கூறினார்.

கவிப்பேரரசு வைரமுத்துவின் மகன் மதன் கார்க்கி - நந்தினி திருமணம் சென்னையில் நடந்தது. தமிழக முதல்வர் கருணாநிதி விழாவில் கலந்து கொண்டு திருமணத்தை நடத்தி வைத்தார். பின்னர் அவர் மணமக்களை வாழ்த்தி பேசினார்.

விழாவில் சூப்பர் ஸ்டார் ரஜினிகாந்த், கமல்ஹாசன் மற்றும் திரையுலகை சேர்ந்த முக்கிய பிரமுகர்கள் மற்றும் அரசியல் பிரமுகர்கள் கலந்து கொண்டனர்.

நிகழ்ச்சியில் ரஜினிகாந்த் மிகவும் இயல்பாக வாழ்க்கை தத்துவம் குறித்து பேசினார். அவர் பேசியதாவது:-

வைரமுத்து எனக்கு நீண்ட கால நண்பர். அவரு நிறைய நண்பர்கள சம்பாதிச்சிருக்காருன்னு இப்ப... இந்த கல்யாணத்தின் மூலமா தெரியுது. பொதுவா கவிஞர்னா தனியா இருக்கிறவங்க. தனிமைய ரசி்ச்சி கவிதை எழுதுறவங்கன்னு சொல்லுவாங்க. ஆனா... இவருக்கு... வைரமுத்துக்கு இவ்வளவு நண்பர்கள சம்பாதிக்க எப்டி நேரம் கெடச்சிதுன்னு தெரியல.

கல்யாணமாகுற புதுமண தம்பதிங்கள வாழ்த்துறதோட சில விஷயங்ள இங்க சொல்றேன். என்னோட அனுபவத்துல நான் இத சொல்றேன். கணவன்- மனைடிக்கும் கருத்து வேறுபாடுங்கிறதே இல்லாம இருக்காது. அது இந்த ரஜினிகாந்திற்கும்- லதாவுக்கும் இடையே கூட வந்திருக்கு. எங்களுக்குள்ள கருத்து வேறுபாவே வரலன்னு யாராச்சும் சொன்னாங்கன்னா... அவங்க பொய் சொல்றாங்கன்னு அர்த்தம்.

நிம்மதிய விட பெரிய சொத்து எதுவுமே இல்ல. பணம், புகழ்னு நெறைய சம்பாதிச்சாலும் நிம்மதி இருந்தாத்தான் அந்த பணம் புகழ அனுபவிக்க முடியும். ஒருவருக்கு ஒருவர் விட்டுக் கொடுத்து வாழ்ந்தா நல்ல வாழ்க்கை வாழலாம் என்று கூறி மணக்களை வாழ்க பல்லாண்டுன்னு வாழ்த்துறேன்.

இவ்வாறு ரஜினிகாந்த் பேசினார்.