அசினின் அடுத்த சாதனை : பாலிவுட் பெருமிதம்

தனது பரந்து விரிந்த மனதால் தமிழ் ரசிகர்களின் மனதில் நீங்காத இடம் பிடித்த அசின் புயல் தற்போது பாலிவுட்டில் மையம் கொண்டிருக்கிறது. அவருக்கு சிவப்பு கம்பளம் விரித்து வரவேற்பு கொடுத்த பாலிவுட் திரையுலகம், அடுத்தடுத்து பட வாய்ப்புகளையும் கொடுத்து வருகிறது. இந்தி கஜினியில் நடித்து வரும் அசின் இனி தமிழுக்கு வரமாட்டார் என்று ஒரு கோலிவுட்டில் புரளி கிளம்பியது. ஆனால் அசின் அதனை திட்டவட்டமாக மறுத்து வருகிறார்.

தமிழில் இருந்து இந்திக்கு சென்ற நடிகை ஸ்ரீதேவி அங்கு அடுத்தடுத்து சாதனைகளை நிகழ்த்தினார். அந்த வரிசையில் இப்போது சாதனையின் அடுத்த படிக்கல்லில் கால் பதித்திருக்கிறார் நடிகை அசின். சினிமா நட்சத்திரங்கள் மெச்சிக்கு கொள்ளும் வோக் என்ற பத்திரிகையின் இந்த வார பதிப்பு அட்டைப்படத்தில் நடிகை அசினின் படம் வெளியாகியுள்ளது. அதில் அசினைப் பற்றிய டேட்டாக்களும், பேட்டியும் இடம்பெற்றிருக்கிறது. இந்த பத்திரிகையில் தங்களது படம் வராதா? என்று பல நடிகைகள் ஏங்கி வரும் நிலையில் தனது படம் அட்டைப்படமாகவே வந்தது ஒரு சாதனையாகவே கருதுகிறார் அசின்.

ம்...! மறுபடியும் தமிழ் சினிமாவுக்கு வந்தால் சரிதான்...!

மீண்டும் தமிழ் சினிமா வருவது குறித்து அசின் சினிமா நிருபருக்கு அளித்த சிறப்பு பேட்டியை படிக்க இங்கே கிளிக்கவும்.