அஜித்தின் ஏகன் ரீலிஸ் தேதி அறிவிப்பு

பில்லா வெற்றியைத் தொடர்ந்து அல்டிமேட் ஸ்டார் அஜித்குமார் நடித்து வரும் படம் ஏகன். இந்த படத்தை நடிகரும், டான்ஸ் மாஸ்டருமான ராஜூசுந்தரம் இயக்கி வருகிறார். ஐங்கரன் இன்டர்நேஷனல் நிறுவனம் தயாரிக்கிறது. இந்த படத்துக்கான இறுதிகட்ட சூட்டிங் நடந்து வருகிறது. படத்தில் இடம்பெறும் பெரும்பாலான காட்சிகள் எடுத்து முடிக்கப்பட்டு விட்டது.

இதைத்தொடர்ந்து ஏகன் படத்தை தீபாவளி தினத்தில் வெளியிட திட்டமிட்டுள்ளனர். அதற்கு முன்னதாக அக்டோபர் 10 அல்லது 11ம் தேதியில் ஆடியோ வெளியீட்டு விழாவை நடத்தவும் திட்டமிட்டிருப்பதாக டைரக்டர் ராஜூசுந்தரம் தெரிவித்துள்ளார். இந்த படம் இந்தியில் ஷாருக்கான் நடித்த மெய்ன் ஹூன் னா படத்தின் ரீமேக் என்பது குறிப்பிடத்தக்கது.

அதே நேரத்தில் தீபாவளிக்கு வெளியாகும் என்று எதிர்பார்க்கப்பட்ட விஜய்யின் வில்லு படம் தள்ளிப்போகும் என்ற தகவலும் வெளியாகியிருக்கிறது.