ஸ்பெஷல் கிசுகிசு

* சூப்பர் நடிகர், கேப்டன் நடிகர், தல நடிகருக்கும், கில்லி நடிகர் என பல முன்னணி நடிகர்களுக்கு என தனியாக பத்திரிகை வெளியாகி வருவது எல்லோருக்கும் தெரிந்த சங்கதிதான். இப்போது விரல் நடிகர் பெயரிலும் பத்திரிகை ஆரம்பிக்கப் போறாங்களாம். அதுக்கான ஏற்பாடு‌களை செய்து வருகிறார் தாடி நடிகர் என்று வர்ணிக்கப்படும் தந்தை நடிகர்.

* விஷ்ணு அவதார இயக்குனர் தற்போது சர்வமய படத்தை இயக்குகிறார். அடுத்து இவர் தல நடிகர் நடிக்கும் படத்தை இயக்குகிறார். இந்த படத்தை இயக்க அவதார இயக்குனருக்கு 3 கோடி சம்பளம் பேசியிருக்காங்க. ஆனா அவரு 5 கோடி கேட்கிறாராம்.

* நீண்ட இடைவெளிக்கு பிறகு மைக் நடிகர் சுட்ட ப்ரூட் படத்தில் நடிக்கிறார். இந்த படத்தில் ஒரு பாட்டாவது மைக் பிடித்து பாட‌ வேண்டும் என்று மைக் நடிகர் ஆசைப்படுகிறாராம். அவரது கோரிக்கையை ஏற்பது பற்றி பரீசிலனை நடந்து வருகிறதாம்.

* கல்யாணத்துக்கு பிறகு திரையை விட்டு விலகிய சிலிம் நடிகை இப்போது சினிமா பக்ககு கரை ஒதுங்கியிருக்கிறார். இதுவரை சொந்தக்குரலில் பேசாத சிலிம், இனி அவர் நடிக்கும் படங்களில் டப்பிங் வாய்ஸ் கொடுக்க முடிவு பண்ணிருக்காராம். சம்பளம் குறைஞ்சிடாம பாத்துக்குறதுக்காகத்தான் இந்த ஏற்பாடாம்.

* செல்வமான இயக்குனரு, ஸ்வீட் கடை நடிகையை காதலித்து கரம் பிடிச்சாரு. இப்போது அவர் காதல் நடிகையுடன் காதல் கொண்டு திரிகிறாராம். இதுபற்றி தெரிந்த ஸ்வீட் கடை நடிகை காதலை நேரிலேயே சந்தித்து திட்டி விட்டாராம். இதனால் செல்வத்துக்கும், ஸ்வீட் நடிகைக்கும் இடையே புகைஞ்சிட்டு இருக்காம்.

ஏ சர்டிபிகேட்டுக்கு பயந்து உதட்டுக்கடி முத்தக்காட்சி நீக்கம்

முத்தக்காட்சி இல்லாத தமிழ் சினிமாவா? என்று கேட்கும் அளவுக்கு ஆங்கிலப்படங்களுக்கு நிகராக முத்தக்காட்சிகளுடன் தான் இன்றைய தமிழ் சினிமாக்கள் இருக்கின்றன. அதிலும் புதுமுகங்கள் நடிக்கும் படங்கள் இருக்கிறதே... அப்பப்பா...! நாயகனும், நாயகியும் பின்னிப் பிணையும் காட்சிகள்கள்தான் படத்தின் ப்ளஸ் பாயிண்ட்டாக இருக்கும். இது படத்தை பார்ப்பவர்களின் குறிப்பாக மாணவர்களின் மனதை ரொம்பவும் பாதிக்கும் என்று கருத்து தெரிவிக்கும் சென்சார்போர்டு ஏ சர்ட்டிபிகேட் கொடுத்து விட்டு கம் என்று இருந்து விடும்.

ஆனால் ஒரு மாணவன் எப்படியெல்லாம் இருக்கக்கூடாது என்பதை விளக்கும் வகையில் எடுக்கப்படும் ஒரு படத்தில் நாயகியின் உதட்டை நாயகன் கடித்து இழுப்பது போன்ற காட்சி இருந்தால்...? டைரக்டர் ஞானமொழி, மாணவன் நினைத்தால்.. என்ற பெயரில் புது படமொன்றை இயக்கி வருகிறார். இந்த படத்தில் நாயகனாக நடிப்பவர் புதுமுக நடிகர் ரித்திக். அவருக்கு ஜோடியாக நடிப்பவர் நடித் ஆதிரா. இவர்தான் மலரினும் மெல்லிய என்ற படத்தில் வர்ஷினி என்ற பெயரில் நடித்திருந்தார்.

இந்த படத்தில் நாயகனும், நாயகியும் நிலவே தங்க நிலவே என்று ஒருவரை ஒருவர் வர்ணித்து பாடும் பாடல் இடம்பெறுகிறது. இப்பாடல் காட்சியினிடையேதான் உதட்டுக்கடி முத்தக்காட்சியை படமாக்கியிருந்தார் டைரக்டர் ஞானமொழி. பாடல் காட்சியை பார்க்க விரும்பிய படத்தின் தயாரிப்பாளர் பி.கே.சந்திரனுக்கு போட்டு காட்டப்பட்டது. முத்தக்காட்சியை பார்த்து முகம் சுழித்த சந்திரன், அந்த காட்சியை நீக்குமாறு டைரக்டரிடம் கேட்டுக் கொண்டாராம். இதையடுத்து காட்சி நீக்கப்பட்டது.

மாணவன் நினைத்தால் எதையும் சாதிக்கலாம் என்ற கருத்தை மையமாக கொண்டுள்ள படத்தில் இப்படி வல்கரான காட்சிகள் இருக்கக்கூடாது. இக்காட்சி இடம்பெற்றால் படத்துக்கு ஏ சர்டிபிகேட்தான் கிடைக்கும். தவறான மாணவர்கள் திருத்துவதற்கு இப்படம் ஒரு காரணமாக இருக்க வேண்டும் என்கிறார் தயாரிப்பாளர் சந்திரன்.

இ‌தே படத்தில் இன்னொரு காதல் காட்சியில் முத்தக்காட்சி இடம்பெறுகிறது. ஆனால் அது ரொம்ப வல்கராக இருக்காது என்கிறார் டைரக்டர் ஞானமொழி.


(வாசகர்கள் கவனத்துக்கு : நிருபர் வலைப்பூவில் கேள்வி - பதில் பகுதியை வெளியிட உள்ளோம். வாசகர்கள் சினிமா தொடர்பான கேள்விகளை கேட்கலாம். கேள்விகளை இந்த செய்தியின் பின்னூட்டத்திலேயே கேட்கலாம்.)

கேன்ஸ் விழாவில் ஐஸ்வர்யா ராய் : மேலும் படங்கள்

கேன்ஸ் விழாவில் இந்தியா சார்பாக நடிகை ஐஸ்வர்யா ராய் பங்கேற்றிருக்கிறார். அவருக்கு சிவப்பு கம்பள வரவேற்பு கொடுக்கப்பட்டது. இதுதொடர்பான படங்களை ஏற்கனவே தொகுத்து கொடுத்திருந்தோம். இப்போது நமக்கு கிடைத்துள்ள கூடுதல் படங்களை வாசகர்களாகிய உங்கள் பார்வைக்கு சமர்ப்பிக்கிறோம். ஐஸ்வர்யா ராயுடன் அவரது காதல் கணவர் அபிஷேக் பச்சன், மாமனார் அமிதாப் பச்சன் ஆகியோரும் பங்கேற்றுள்ளனர் என்பது கூடுதல் தகவல்.