மங்காத்தா அஜித்துக்காக உருவாக்கப்பட்டதல்ல! - வெங்கட்பிரபு

மங்காத்தா படத்தின் கதை அஜித்துக்காக உருவாக்கப்பட்டது அல்ல என்று அப்பபடத்தின் டைரக்டர் வெங்கட்பிரபு கூறியுள்ளார். வெங்கட்பிரபு இயக்கத்தில் அஜித் & த்ரிஷா நடித்திருக்கும் மங்காத்தா படம் வரும் 30ம்தேதி ரீலிஸ் ஆகவிருக்கிறது. ரசிகர்களில் ஏகேபித்த எதிர்பார்ப்புடன் திரைக்கு வரவிருக்கும் இப்படம் குறித்து தினம் தினம் புதுப்புது தகவல்கள் வெளியாகிக் கொண்டே இருக்கின்றன. இந்நிலையில் மங்காத்தா உருவான கதை பற்றி டைரக்டர் வெங்கட்பிரபு புதிய தகவல் ஒன்றை வெளியிட்டிருக்கிறார்.

இதுதொடர்பாக அவர் அளித்துள்ள பேட்டியில், மங்காத்தா படத்தின் கதை அஜித்துக்கா உருவாக்கப்பட்டது இல்லை. படத்தில் வரும் விநாயக் கேரக்டர் விவேக் ஒபராய்க்காக உருவாக்கப்பட்டது. முதலில் இந்தக் கதையில் விவேக் ஒபராய்தான் நடிப்பதாக இருந்தது. ஆனால் படம் பற்றி அவரிடம் பேசவில்லை. அப்போதுதான் அஜித்திடம் இருந்து ஒரு போன் வந்தது. "அடுத்த படத்துக்கு "மங்காத்தா' என்று பெயர் வைத்துள்ளதாக கேள்விப்பட்டேன். நல்ல பெயர். வாழ்த்துகள்'' என்றார். "ஹாலிவுட்டில் பிரபலமான "தி டார்க் நைட்' படத்தில் வரும் ஹெத் லெட்ஜர் கேரக்டரில் நடிக்க வேண்டும் என நினைக்கிறேன். அது போல் ஒரு கதை செய்ய முடியுமா? என அஜித் என்னிடம் கேட்டார். மங்காத்தா அது போன்ற ஒரு கதைதான் என்று சொல்லி கதையின் கருவை சொன்னேன். அவருக்கு பிடித்து விட்டது. "சூப்பர் நானே நடிக்கிறேன் என்று கூறி விட்டார். இது மூன்றே நிமிடங்களில் நடந்த விஷயம். இதுதான் அஜித்தின் "மங்காத்தா' உருவான கதை, என்று கூறியிருக்கிறார்.

சிம்பு என்றைக்குமே என் நண்பரல்ல! ஜீவா பேட்டி!!

கோ படத்தில் வாய்ப்பை இழந்த நடிகர் சிம்புவுக்கும், நல்ல வாய்ப்பை பயன்படுத்தி வெற்றி பெற்றிருக்கும் நடிகர் ஜீவாவுக்கும் இடையே புகைச்சல் இருந்து வருகிறது. நடிகர் சிம்பு நேரடியாகவும், மறைமுகமாகவும் கோ படத்தையும், நடிகர் ஜீவாவையும் விமர்சித்து வருகிறார். இந்நிலையில் நடிகர் ஜீவா நிருபர்களுக்கு பேட்டியளித்தார். அப்போது சிம்பு பற்றிய கேள்விக்கு பதில் அளித்த அவர், சிலம்பரசன் என்றைக்குமே எனக்கு நண்பராக இருந்ததில்லை. யாராக இருந்தாலும் நேரடியாக சவால் விட்டு மோதுவது ஆரோக்கியமான போட்டியாக இருக்கும். அதை வரவேற்கலாம். ஆனால், பின்னால் மறைந்திருந்து குத்துவது ஆரோக்கியமான போட்டி அல்ல, என்று கூறினார்.

மேலும் அவர் கூறுகையில், கோ படத்தை அடுத்து நான் நடித்து திரைக்கு வந்துள்ள ரவுத்திரம் படமும் 70 சதவீதம் வெற்றிகரமாக ஓடிக்கொண்டிருக்கிறது. அடுத்து நான் நடித்து திரைக்கு வர இருக்கும் படம், `வந்தான் வென்றான்.' இந்த படம் அடுத்த மாதம் (செப்டம்பர்) திரைக்கு வரும். அதையடுத்து கவுதம் மேனன் டைரக்ஷனில் ஒரு படத்திலும், மிஷ்கின் டைரக்ஷனில், `முகமூடி' என்ற படத்திலும் நடிக்கிறேன். இந்த படங்களை அடுத்து, டைரக்டர் ஜனநாதன் இயக்கத்தில் நடிக்கவுள்ளேன், என்றார்.

கவுதம் மேனனுக்கு அஜித் அதிரடி பதில்!

அடுத்தடுத்து அஜித்தை தாக்கி பேட்டியளித்து வரும் டைரக்டர் கவுதம் மேனனுக்கு நடிகர் அஜித் அதிரடி பதில் அளித்துள்ளார். புதிய படத்தில் நடிப்பது தொடர்பாக நடிகர் அஜித்துக்கும், டைரக்டர் கவுதம்மேனனுக்கும் மோதல் உருவாகியிருக்கிறது. அஜித்துக்கு எதிரான பல கருத்துக்களை கவுதம் மேனன் தெரிவித்து வருகிறார். இதுவரை மூன்று முறை மீடியாக்களில் அஜித்தை நேரடியாக விமர்சித்து பேட்டியளித்திருக்கிறார் கவுதம் மேனன். ஆனால் அஜித் அதற்கெல்லாம் பதிலடி கொடுக்காமல் மவுனம் காத்து வந்தார்.

இந்நிலையில் மவுனத்தை கலைத்து கவுதம் மேனனுக்கு அதிரடி பதிலடி கொடுத்திருக்கிறார் அஜித். அவர் அளித்துள்ள பேட்டியில், இனிமேல் அஜித் எனக்குத் தேவையில்லை என்று கவுதம் மேனன் சொல்லியிருக்கிறார். சினிமாவில் நான் இல்லாமல் 10 படங்களை கவுதம் இயக்கிவிட்டார். அவர் இல்லாமல் நானும் 50 படங்களை முடித்துவிட்டேன். இதுதான் என் சிம்பிள் பதில். கார் ரேஸில் ஆர்வம் இருப்பதால், அதற்காக வெளிநாடு போவதால், சினிமாவில் கவனம் செலுத்தலைன்னு சொல்றது அபத்தம். நான் எதில் ஈடுபட்டாலும் அதிலேயே மூழ்கிவிடுவேன். அது என் இயல்பு. கார் ரேஸுக்குப் போனதால் ஓர் இடைவெளி ஏற்பட்டது உண்மைதான். அதற்காக அதிலேயே இருந்துவிடுவேன் என்று அர்த்தமல்ல. இதோ, மீண்டும் நான் வந்து விட்டேன், என்று கூறியுள்ளார்.